Ads

الأحد، 27 مايو 2012

بروفا انتخابات الرئاسه



المكان: إنتخابات اتحاد الطلبه فى كليتى  ، الزمان : 31-3-2012 ، الحدث : كانت جماعة الاخوان اخدت قرار ترشح خيرت الشاطر وكانت صدمة كبيره اوى للناس كلها وللاخوان نفسهم ، والاعلام عمل هجوم شديد ضدهم وكل الناس كانت متأثره وعندها اتجاه سلبى جدا تجاه الاخوان.

ولحسن او لسوء الحظ كانت انتخابات اتحاد الطلبه تانى يوم على طول، يوميها طلبة الاخوان قالو احنا هنعمل اللى علينا والباقى على ربنا وان ربنا بياخد بالاسباب والنتيجه على ربنا، ربنا لما بيرسل الرسل مش بيحاسبهم على كام واحد أسلم ، بيحاسبهم على التبليغ والاسباب مش النتيجه.
وحصلت الانتخابات ، وكانت النتيجه ...
ان الاخوان أخدوا أعلى نسبة اصوات فى الكليه ، وكانت أغلب لجان الاتحاد مع الاخوان ، أخدوا كل اللجان ما عدا اتنين بس.
ومن المواقف اللى ضحكتنى اثناء الانتخابات " كان ف أحد اللجان عدد الاصوات متساوى فعملوا قرعه على "الامين و المساعد والصندوق " وسبحان الله التلاته فى القرعه طلعوا اخوان :)
ودة اللى انا حاسه هيحصل فى انتخابات الرئاسه ،  رغم الهجوم الاعلامى و رغم كل التخوفات و التخوينات ، ورغم السلبيه و ابطال الاصوات وعدم الرجوع للضمير و لغة العقل ، اننا "كشعب مصر" سنطيح برأس الفلول الفاسدين والظالمين ولن نرجع ل 30 سنه من الظلم والفساد من جديد
وربنا يقدم اللى فيه الخير ويولى الاصلح.

ليست هناك تعليقات:

إرسال تعليق