صراع الجبابرة بين الإخوان والمعارضة..و سر تواجدهم في الاتحادية

وقفت الدنيا على قدمٍ وساق عندما أعلنت جماعة الإخوان المسلمين والقوى الاسلامية عن ذهابهم للتحرير لعمل مليونية في يوم السبت لتأييد الإعلان الدستوري الذي شرعه الرئيس محمد مرسي، وقالوا أن القوى الإسلامية ستشعل التحرير وستتسبب في إسقاط الكثير من أرواح الضحايا والقوى المعارضة ومن صفهم إذا توجهوا للتحرير.

حقيقة قضية باسم يوسف و عماد أديب في برنامج البرنامج على CBC

"ايوة كدة يا باسم يا مطرقعلهم، اولاد ال... قناة السي بي سي الغوا البرنامج، أيوة كدة يا باسم أديلهم كمان، باسم دة مفيش زيه راحلهم القناة بتاعتهم وبيشتم في المذيعين الفلول والقناة الفلول، باسم فارض شخصيته عليهم، باسم بيعاند معاهم ونشر حلقته رغم أنهم وقفوله البرنامج بتاعه".

تحميل الصيغة النهائية والأصلية لمسودة دستور مصر 2012

تحميل الصيغة النهائية والأصلية لمشروع دستور مصر 2012 من الجمعية التأسيسية لوضع الدستور، أضغط على الصورة لتحمل الملف بصيغة PDF، النسخة المدرجة هي النسخة الأصليه من موقع مشروع دستور مصر 2012 .
كما يمكنك قراءة الدستور أون لاين دون الحاجة لتحميله بالضغط (هنا).

الصيغة النهائية والأصلية لمسودة دستور مصر 2012 من الجمعية التأسيسية لوضع الدستور

 الباب الأول: الدولة والمجتمع

الفصل الأول

المبادئ السياسية

( المادة ( ١

جمهورية مصر العربية دولة مستقلة ذات سيادة، موحدة لا تقبل التجزئة، ونظامها ديمق ا رطى.

والشعب المصرى جزء من الأمتين العربية والإسلامية، ويعتز بانتمائه لحوض النيل والقارة الأفريقية

وبامتداده الآسيوى، ويشارك بإيجابية فى الحضارة الإنسانية.

عادل إمام وسر التطبيع في مسلسل فرقة ناجي عطا الله

عادل إمام وسر التطبيع في مسلسل فرقة ناجي عطا الله

من يشاهد مسلسل فرقة ناجي عطا الله في البداية سيجد أنه يهدف إلى التطبيع من الدرجة الأولى ، ولكن اذا حاولنا أن نخوض في أعماق الأحداث و ومحاولة فهم عقلية المؤلف يوسف معاطي،  سنجد أنه يحاول تجسيد القضية الفلسطينية في قضية ناجى عطا الله و أموالة المنهوبة والمٌستولى عليها من قبل الصهاينة والبنك اللإسرائيلي !

التحرير يطهر رؤساء التحرير .. وبرضه فيه ناس مش عايزة تنضف

تطهير الاعلام ، هى الكلمه التى يطالب بها جميع فئات الشعب المصرى ،  فهو الذى يشكل وعى الناس و ينقل لهم الاخبار ويحيطهم بكل جديد على النطاق المحلى والدولى .

لما النور قطع ..

الصورة بواسطه http://flic.kr/p/aJpsqg

زى كل يوم وانا قاعد على الفيس وقدامى كوباية الشاى وماسك مذكرة فى ايدى قال يعنى بذاكر ، اصلى عندى امتحانات هتخرج عقبال عندكم ، ومن بعد اعلان الاعاده ما بين محمد مرسى و شفيق و الحماسه وروح الثورة شدت اوى عندى و بقيت اكلم اللى اعرفه واللى معرفهوش ، وانشر فضايح شفيق فى كل حته و احاول اقنع الناس على قد ما اقدر رغم ان الاستجابه بتكون ضعيفه بس لما بلاقى حد بيقنع بفرح وبقول لسه فيه أمل .

وفى مرة قاعد زى كل يوم وبكلم الناس برضه فجأة النور قطع !! اضايقت جدا  ساعتها ..لا منى بذاكر ولا منى قاعد ع الفيس ، روحت قايم قولت استغل الوقت وأريح شوية واصحى فايق عشان أذاكر " قال يعنى " :)
روحت فتحت الموبايل وفضلت أقلب فيه وشغلت أغانى ، مجاليش نوم .
قولت اشغل قرآن واهدى وانام ، فتحت سورة عشوائيا كدة ، طلعت سورة العنكبوت ، بصوت العفاسى ، وبدأ يقرأ:

بسم الله الرحمن الرحيم:  ( الم ( 1 ) أحسب الناس أن يتركوا أن يقولوا آمنا وهم لا يفتنون ( 2 ) ولقد فتنا الذين من قبلهم فليعلمن الله الذين صدقوا وليعلمن الكاذبين ( 3 )أم حسب الذين يعملون السيئات أن يسبقونا ساء ما يحكمون ( 4 ) ) .   صدق الله العظيم

اتفاجأت ساعتها ورجعت السورة من الاول وسمعتها تانى ، ساعتها جسمى قشعر ، وعرفت ان اللى احنا فيه دة ابتلاء من ربنا وبيختبرنا الى اى مدى هنثبت و هنكون ضد الظلم ، لازم يفتنا ولازم تكون الفتنه صعبه ، وانا كنت بتمنى من قبل ما الانتخابات تحصل ان الاعاده تحصل ما بين حد من اللى بنكرهه "الاخوان والتيار الاسلامى عامة " وحد من الفلول " عشان معادن الناس تبان على حقيقتها ، ويبان مين اللى هيتنازل عن مبادئه وعن ضميره عشان يشفى غله ويعند فى الاخوان او مع التيار الاسلامى ، مين اللى هيفضل مصلحة بلده حتى لو غيره عمره ما فكره فيها ، ومين اللى هيكابر وهيدى صوته او هيمتنع عن التصويت اللى نتيجتهم فوز الفلول "احمد شفيق" .

وأفتكرت غزوة بدر اللى كان فيها عدد المسلمين 300 وشوية ، وعدد المشركين فيها مش الضعف لا دول كانوا 1000 وشوية ، ورغم كل دة المسلمين انتصروا ، عشان اولا ثقتهم بربنا انه هينصرهم ، و عشان ربنا بياخد بالاسباب ، وعشان الحق دايما هو اللى بينتصر هى دى سنة الحياه ، ان الظلم ياخد ذروته ويوصل لعنفوانه ويجى من بعدها الخير .

وكل ما اشوف عدد الاصوات اللى اخدها احمد شفيق ، والاصوات اللى اخدها باقى المرشحين ، افتكر غزوة بدر و ان العبرة مش فى كثرة العدد العبرة بمدى ايمانك بأنك تكون ضد الظلم حتى لو هتيجى على نفسك وحتى لو هتعمل حاجات بتكرهها ، خد دايما بالاسباب ، ربنا لما بيحاسب الرسل بيحاسبهم على تبليغ الدعوة مش كام واحد دخل فى الاسلام ، ويوم القيامه لو فى ايدك زرعه أزرعها رغم ان القيامه بتقوم يعنى مش هتنفع بحاجة ،  الا ان ربنا بيقولك أزرعها ، اعمل اللى عليك وسيب الباقى على ربنا وخد دايما بالاسباب .

انا مش هقولك قاطع ولا مش  تبطل صوتك ولا مش تدى صوتك لشفيق وندخل انا وانت فى جدال ملهوش اول من اخر ونسبة اقتناعك بيه تكون 1% يمكن أقل .

انا هقولك انى واثق ف ربنا وواثق فى ان الحق هينتصر مهما كانت الظروف ومهما كانت المواجهات والضغوطات وحتى لو الدنيا كلها ضدك.

واخر حاجة هختم بيها ، كلمة بيقولها إمام المسجد قبل ما بيبدأ اى صلاه ، عارف هى ايه ..؟ 

أستقيموا يرحمكم الله .. رغم كل الخلافات والخناقات والمشاكل والضغائن اللى ممكن تكون ما بينك وبين اللى بيصلى جمبك ، الا انك بتساوى الصف و كتفك بيكون فى كتفه ورا قائد واحد وهو الامام.

أستقيموا يرحمكم الله